Darren Scott word pa
2010-11-19 11:00
Johannesburg - Die ooievaar was ‘n volle week laat met sy aflewering, maar klein Mark Scott, eersteling van die Jacaranda 94.2 Just Plain Breakfast aanbieder Darren Scott en sy vrou Sarah-Kate, het uiteindelik sy opwagting gemaak.
Die knapie is Donderdagoggend om 09:37 in die Sandton Medi Clinic in Johannesburg met die hulp van ‘n keisersnit gebore en het ‘n gesonde 3.13kg geweeg.
“Om daardie klein mensie, wat ‘n deel van jou is, te sien gebore word is onbeskryflik. Mark het al klaar ‘n persoonlikheid ontwikkel en ek kan net die heeltyd vir hom staar,” vertel Darren.
Die paartjie is in Desember verlede jaar getroud.
Kliek hier om ‘n foto te sien.
Volg Nuus24 op Twitter.
- Huisgenoot