Danser ontken verhouding met Crowe se vrou

2012-10-17 15:11

Los Angeles – Danielle Spencer se Dancing With The Stars-dansmaat het ontken dat hy 'n aandeel het in die verbrokkeling van haar huwelik met die akteur Russel Crowe.

Berigte van die Gladiator-ster se egskeiding het die afgelope naweek begin kop uitsteek, maar Damian Whitewood, 'n professionele danser, hou vol hy het niks daarmee te doen nie.

Whitewood het gesê die sangeres het geen tekens van probleme in haar persoonlike lewe getoon toe hulle vroeër vanjaar deelgeneem het aan die program nie.

"Toe ek in die dansateljee was, het Danielle 100% gegee. Sy het nooit gewys dat daar probleme is nie," het hy tydens 'n onderhoud op die program Today Tonight gesê.

Whitewood het gesê hy was nog altyd net professioneel.

– Lees meer hier

– Volg Nuus24 op Twitter