Dames betower 'Gangnam Style'-ster

2012-11-15 15:30

Londen – Die Suid-Koreaanse popster Psy het gesê "die dames" maak sy reise oor die wêreld heen die moeite werd, berig die Daily Telegraph.

Psy het bekendheid verwerf en trefferlyste regoor die wêreld gehaal met sy danstreffer "Gangnam Style".

Sy sukses het baie deure oopgemaak en nou reis hy die wêreld plat.

"Ek het gisteraand 'n optrede gehad en sjoe, dit was mooi. Ek bedoel die dames..." het hy aan die Britse radio-omroepers Dave Berry en Lisa Snowdon gesê.

Die 34-jarige sanger, wie se regte naam Park Jae-Sang is, was reeds 'n ster in sy tuisland voor hy 'n wêreldwye fenomeen geword het.

Ten spyte daarvan dat hy 'n hartebreker in Asië is, probeer hy nog gewoond raak aan die aandag wat hy nou kry.

"Voorheen het slegs die dames in Korea my genader," het hy geskerts.

"Ek sal die [Gangnam Style] dans leer, as julle die meisies kan bring..."

– Lees meer hier

– Volg Nuus24 op Twitter