Dallas se JR sterf op 81
2012-11-24 08:27
Los Angeles – Die Amerikaanse akteur Larry Hagman, wat die rol van die konkelende oliemagnaat J.R. Ewing in Dallas vertolk het, is in die ouderdom van 81 oorlede, het die Dallas Morning News Saterdag berig.
Hagman is Vrydag in 'n hospitaal in Dallas dood ná 'n stryd met kanker, het die koerant berig.
Hy het kanker en sirrose van die lewer in die 1990's gehad ná dekades se alkoholmisbruik.
Die tv-reeks Dallas, wat in 1978 op die CBS-kanaal begin wys het, het van Hagman 'n superster gemaak.
Dié sepie het in 2012 na die kassie teruggekeer met die bekendstelling van die tweede Dallas-reeks waarin Hagman weer die rol van J.R Ewing vertolk het.
Volg Nuus24 op Twitter.
- Reuters
