DJ Fresh in sop oor selfmoord-tweets
2011-11-30 23:09
Kaapstad – Die gewilde platejoggie DJ Fresh het by die Suid-Afrikaanse Depressie- en Angsgroep (Sadag) deurgeloop nadat hy 'n boodskap op Twitter geplaas het wat iemand aangemoedig het om sy selfmoordplanne deur te voer, berig Channel24.
DJ Fresh, wie se regte naam Thato Sikwane is, het laat Dinsdagmiddag 'n boodskap op Twitter geplaas en gevra of dit verkeerd sal wees as hy vyf maniere om jouself dood te maak aan iemand sou deurstuur.
Sadag het onmiddellik op Fresh se inskrywing gereageer en hom gevra of hy dieselfde vyf maniere aan sy kinders sou deurgee.
Daar het toe 'n oorlog op Twitter uitgebreek met Fresh wat teruggekap het om te sê hy ken nie die persoon of Sadag nie. Fresh het ook gesê hy gaan elke jaar deur dieselfde ding.
Sadag het toe aan Fresh gesê hulle ontvang daagliks 400 selfmoord-oproepe.
– Kliek hier om die volledige storie te lees.
– Volg Nuus24 op Twitter.