Craig moeg vir Bond-rol

2012-11-08 17:20

Los Angeles – Die 44-jarige Daniel Craig, wat in Skyfall vir die derde keer as James Bond te sien is, is glo moeg vir dié droomrol.

Hy het egter reeds ‘n kontrak vir die 24ste en 25ste Bond-rolprente geteken.

“Ek probeer al uit hierdie ding kom van die dag wat ek betrokke geraak het,” het Craig volgens The Guardian aan die Rolling Stone-tydskrif gesê.

“Hulle wil my nie laat gaan nie en ek het ingestem om nog ‘n paar te doen, maar kom ons kyk eers hoe hierdie een doen.”

Skyfall sal op 30 November in Suid-Afrika vrygestel word.

– Volg Nuus24 op Twitter