Conrad Murray verloor mediese lisensie dalk permanent

2012-07-13 22:38

Sacramento – Die kantoor van Kalifornië se prokureur-generaal het Dr. Conrad Murray van onbevoegdheid en nalatigheid beskuldig in ’n poging om sy mediese lisensie permanent te herroep.

Murray, die geneesheer wat in 2009 van onwillekeurige manslag in die dood van Michael Jackson skuldig bevind is, se lisensie is reeds opgeskort.

Opgeskorte lisensies kan hernu word, maar indien ’n lisensie herroep word, is dit onmoontlik om te hernu.

Die Los Angeles Times sê dat die kantoor van die prokureur-generaal verlede maand nuwe aantygings ingebring het in 'n voortgesette ondersoek.

Murray se prokureur het gesê die dokter sal die aantygings betwis.

Die 59-jarige Murray is in November gevonnis en tronk toe gestuur na aanklaers hom van mediese nalatigheid beskuldig het omdat hy die popster van sterk verdowingsmiddels voorsien het.

– Volg Nuus24 op Twitter.
 

- AP