Connor Cruise kry rol in groot film
2012-08-14 11:45
Los Angeles – Connor Cruise, die 17-jarige seun van Tom Cruise en en sy eksvrou Nicole Kidman, het sy eerste groot filmrol losgeslaan.
Die aspirant-akteur gaan in die nuwe weergawe van die 1980's tiener-aksiefliek Red Dawn te sien wees.
Die fliek handel oor ‘n groep tieners wat probeer om die Washington-staat uit die kloue van Noord-Koreaanse soldate te hou.
Die film, wat Chris Hemsworth, Josh Hutcherson en Isabel Lucas ook in die rolverdeling het, is in 2009 geskiet en sal 21 November in rolprentteaters vrygestel word.
Connor, wat in 2008 sy rolprentdebuut gemaak het in ‘n klein rol saam Will Smith in Seven Pounds, gaan die rol van Daryl Bates vertolk. Bates is ‘n lid van die gewapende weerstandsmagte die Wolverines.
Die film se regisseur Dan Bradley is baie beïndruk met Connor se werk.
“Connor is regtig ‘n cool ou. As jy in gedagte hou hoe anders hy moes grootraak, is hy regtig ‘n beginselvaste, intelligente en gawe mens.”
“Jy kan sien van wie hy dit kry ook – sy pa. Connor was mal oor die aksietonele. As daar ontploffings, geweerskote of so iets op die stel was, kon jy sien Connor was opgewonde. Dis lekker om iemand op die stel te hê wat my entoesiasme vir ontploffings deel.”
– Volg Nuus24 op Twitter
- BangShowBiz
