Confucious troef Avatar
2010-01-19 23:18
Volgense berigte is Chinese owerhede van plan om die trefferfliek "Avatar" uit die land se filmteaters te haal, en te vervang met 'n patriotiese film oor die lewensverhaal van die Chinese filosoof Confucious.
Hong Kong se Apple Daily het berig dat owerhede filmteaters dwarsoor die land beveel het om op te hou om die 2D-weergawe van die fliek te vertoon.
Danksy die klein hoeveelheid 3D-teaters in die land, verteenwoordig dié bevel 'n grootskaalse verbod op die fliek.
Die verbod kom na aanleiding van 'n beweerde ooreenkoms tussen die storie van die Na'vi, vredeliewende bosbewoners wat in die film uit hul natuurlike habitat verdryf word, en Chinese wat deur eiendomsontwikkelaars uit hul huise gesit kan word.
Lees meer in The Guardian