Coldplay swyg oor nuwe album
2012-11-21 12:20
Los Angeles – Die naam van Coldplay se volgende album gaan makliker wees om uit te spreek.
Chris Martin, sanger van Coldplay, het die verwarring rondom die groep se album Mylo Xyloto, wat in 2011 uitgereik is, uitgeklaar.
"Die volgende een wat ons gaan uitreik, gaan baie makliker wees om uit te spreek," het Martin op die Kyle and Jackie O-radioprogram in Australië gesê.
Op verdere vrae oor die naam van hul volgende album, het Martin geantwoord: "Ek kan nie dit vir julle sê nie".
Die 35-jarige het toe na Jonny Buckland, hoofkitaarspeler van die groep, gedraai en gevra of hy 'n wenk kan gee, maar Buckland wou niks weet nie.
Mylo Xyloto het trefferlyste in die Verenigde Koninkryk en die Verenigde State gehaal en meer as agt miljoen kopieë van die album is verkoop.
– Lees meer hier
– volg Nuus24 op Twitter
