Clooney se verlede sal politieke loopbaan kniehalter
2011-02-23 21:00
Los Angeles – George Clooney het in ‘n onderhoud met Newsweek erken dat dit nie altyd maklik is om sy Hollywood-loopbaan met sy diplomatieke beywerings uit te balanseer nie, berig Huffington Post.
Clooney was Januariemaand in die suide van Soedan om inwoners te help bevry van die onderdrukkende regering in die noordelike hoofstad van Khartoum.
Die res van Hollywood was besig om hul uitrustings vir die opkomende Academy Awards te beplan.
Maar, Clooney is glad nie van plan om ‘n skuif van Hollywood na Washington te maak nie.
Hy erken daar is veels te veel geraamtes in sy kas vir ‘n politieke loopbaan.
“Ek het met te veel vroue geslaap en veels te veel dwelms gedoen,” sê hy.
Hy skerts dat indien hy ‘n presidensieveldtog sou loods, sy slagspreuk “ek het die waterpyp-water gedrink”, sou wees.
Kliek hier vir die volledige storie.
Volg Nuus24 op Twitter.