Cindy Nell en Disney bring nuwe kompetisie
2010-03-11 16:23
Kaapstad - Disney Channel en die televisiepersoonlikheid Cindy Nell sal saamwerk om ‘n nuwe Hanna Montanna-kompetisie in Suid-Afrika te loods.
Nell sal die beoordelaar van dié kompetisie wees.
Jong aanhangers moet hul eie Hanna Montanna T-hemde ontwerp en inskryf vir dié kompetisie. Dié voormalige Mej. Suid-Afrika sal ook in ‘n winkelvenster met 'n Hanna Montanna T-hemp wat sy self ontwerp het poseer om aanhangers aan te spoor om deel te neem.
Die gelukkige wenner sal Hollywood toe gaan waar sy die wêreldbekende Disneyland sal besoek en ook deur die grimeerkunstenaars van dié kinderprogram ‘n nuwe voorkoms gegee sal word.
Die hele ondervinding sal deur Disney Channel verfilm, en uitgesaai word. Die wenner sal ook ‘n paar van die T-hemde wat sy ontwerp het wen, om aan vriende en familie uit te deel.
- Sapa