'Batman' reik uit na leukemie-lyer
2013-01-25 11:43
Video - Batman-ster besoek Aurora
Christian Bale, ster van die nuwe Batman-rolprent, het 'n besoek aan Aurora in Denver gelewer ná die treurspel in dié stad verlede week.
KYK
Los Angeles – Christian Bale het ‘n spesiale oproep gemaak aan ‘n Batman-aanhanger wat in die hospitaal is met leukemie.
Die 38-jarige akteur, wat die rol van die superheld vertolk in Christopher Nolan se Dark Knight, het die agtjarige Zach Guillot se drome bewaarheid toe hy hom in Seattle, Washington, gebel het om te gesels oor sy belangstelling in Batman.
Guillott kan in ‘n hartroerende video wat op YouTube gelaai is, gesien word waar hy in sy hospitaalbed sit terwyl hy met Bale oor ‘n selfoon praat.
“So, vertel my van jouself,” vra Bale hom.
Guillot antwoord: “Wel, ek kan dit nie regtig verduidelik nie,” waarna sy ma hom aanmoedig om die akteur van sy jonger broer te vertel wat glo dat hy die regte Batman is.
Bale lag vir die uitlating en vra: “Regtig? Is jy?”
“Ek het my eie klein Batmobiel wat uit karton gemaak is. Ek het die regte masker en als,” verduidelik Guillot.
“O, dit is fantasties,” antwoord Bale. “ Weet jy wat? Ek moes myne teruggee. Hulle wou my nie toelaat om myne te hou nie. Jy is gelukkig om een te hê en rond te hardloop en vir mense te sê jy is Batman.”
Kyk die video hier:
– Volg Nuus24 op Twitter.
- BangShowBiz
