Chris Brown se eksmeisie glo woedend oor video

2012-10-08 10:25

Los Angeles – Karrueche Tran is glo woedend vir Chris Brown nadat hy sy persoonlike gevoelens vir haar en Rihanna met die publiek gedeel het deur 'n video aanlyn te publiseer.

Die model is glo woedend nadat Brown die video getiteld The Real Chris Brown verlede Donderdag op sy Twitterblad gepubliseer het. Op die video bespreek hy die dilemma waarin hy hom met die twee vroue bevind.

Karrueche kan nie glo die R'n B-sanger het hul persoonlike probleme op die internet gedeel nie, het die skinderwebwerf TMZ berig.

Volgens 'n bron wens sy hy het sy gevoelens privaat gehou en is teleurgesteld en seergemaak deur sy besluit om almal te vertel hoekom hulle nie meer 'n paartjie is nie.

Brown het sy modelmeisie verlede week gelos omdat hy nie sy "vriendskap" met sy eksmeisie Rihanna kon opgee nie.

Hy het later 'n video, waarin hy met sy arms om Rihanna staan, gepubliseer. Foto's van Tran is ook daarin vertoon.

Gedurende die video sê Brown: "Ek is gespanne...wanneer jy 'n geskiedens met iemand deel, dan is jy geneig om verlief te raak op iemand anders, dis soort van moeilik."

"Is daar iets soos lief wees vir twee mense? Ek weet nie of dit moontlik is nie, maar vir my, ek voel so."

– Contact Music.

– Volg Nuus24 op Twitter.