Chris Brown gee geld aan eksmeisie

2012-10-10 10:45

Los Angeles – Chris Brown het 'n groot bedrag geld aan Karrueche Tran gegee nadat hulle onlangs hul verhouding beëindig het.

Brown en Tran is uitmekaar oor sy vriendskap met sy gewese meisie, Rihanna, wat hy in 2009 aangerand het.

Maar omdat Brown en Rihanna weer romanties met mekaar verbind word, en om enige kwade gevoelens te vermy, het hy die model geld aangebied sodat sy vir haar 'n huis kan koop.

"Nie Rihanna of Chris wil dinge vir haar moeiliker maak as wat dit reeds is nie.

"Chris wil haar finansieël help en wil hê sy moet in sy lewe bly indien moontlik," het 'n bron aan The Sun gesê.

Intussen het Rihanna glo na Tran uitgereik en dié twee het onlangs openhartig met mekaar gepraat.

"Die meisies het vir byna twee uur gepraat. Rih het al haar vrae beantwoord en Karrueche het ook 'n paar dinge gehad om te vertel."

Rihanna se pa, Ronald Fenty, het sy seënwense aan sy dogter en Chris gegee en hou vol die ster verdien 'n tweede kans.

– Contact Music.

– Volg Nuus24 op Twitter.