Charlize se boelie 'het 'n hartseer lewe'
2012-02-06 15:00
Los Angeles – Die Oscar-bekroonde aktrise Charlize Theron is geskok om te hoor dat die meisie wat haar in laerskool "opgeneuk" het, 'n "hartseer lewe" lei.
Die 36-jarige aktrise het in 'n onderhoud met die Britse koerant Daily Mirror gesê sy was nooit gewild toe sy jonger was nie, en het sonder sukses probeer om met een van die gewildste mense in haar klas bevriend te raak.
Charlize het onthul dat sy onlangs dié ou klasmaat raakgeloop het.
"Ek was drie weke gelede in Londen om 'n film te skiet, en terwyl het besig was om klere aan te pas, sê die meisie: 'O, ek ken vir Charlize'. En dit was die meisie wat my in laerskool opgeneuk het wat soort van 'n hartseer lewe lei."
– Lees meer hier
– Volg Nuus24 op Twitter