Charlize los haar kêrel
2010-02-01 10:45
Los Angeles - Die verhouding tussen Charlize Theron en haar kêrel van nege jaar, Stuart Townsend, wat as een van die mees stabiele verhoudings in Hollywood gesien was, het glo tot ‘n einde gekom.
Volgens die webbladTonight het Theron aan haar vriende erken dat sy ná ‘n vakansie in Mexiko die afgelope Kerstyd besluit het om haar verhouding met die Ierse akteur te beëindig. Sy dra glo ook nie meer die ring wat hy vir haar as ‘n simbool van hul verhouding gegee het nie.
‘n Vriend van die aktrise het glo Saterdagaand gesê dat Townsend aan flarde is maar dat Theron tydens haar vakansie besef het dat die verhouding verby is.
“Hulle het meer soos broer en suster geword. Dit was sy wat dit beëindig het,” het die bron gesê.
Lees meer by www.tonight.co.za.