Charlize glo in verhouding met Modern Family-ster
2012-09-24 12:20
Los Angeles – Die Oscar-bekroonde aktrise Charlize Theron is glo in 'n verhouding met die Modern Family-akteur Eric Stonestreet, wat die rol van die homoseksuele karakter, Cameron Tucker, in die televisiereeks vertolk, het die Mail on Sunday berig.
Dit het net verlede week aan die lig gekom dat Stonestreet en sy meisie, Katherine Tokarz, nie meer saam is nie.
Daar word beweer hy het halsoorkop verlief op Theron geraak nadat hulle vroeër vanjaar deur gemeenskaplike vriende in Los Angeles aan mekaar bekendgestel is.
'n Goeie vriend het gesê: "Charlize en Eric kom baie goed oor die weg."
"Eric is plat op die aarde en snaaks en Charlize dink die wêreld van hom."
Die Snow White and the Huntsman-ster, wat in Mei 'n baba, Jackson, aangeneem het, was voorheen vir nege jaar verloof aan die Ierse akteur Stuart Townsend. Hulle het hul verlowing in 2010 verbreek.
– Bang Showbiz.
– Volg Nuus24 op Twitter.
