Charlize Theron se honde help seun grootmaak

2012-05-25 12:17

Los Angeles – Charlize Theron se honde help om haar seun, Jackson, groot te maak.

Die Snow White and the Huntsman-aktrise, wat Jackson in Maart aangeneem het toe hy net nege dae oud was, het gesê haar twee honde, Berkley en Blue, is absoluut mal oor Jackson en hou daarvan om betrokke te wees by die grootmaakproses.

"Dit was die mooiste ding wat ek nog ooit aanskou het. Die oomblik vandat hierdie baba in ons huis gekom het, was daardie twee honde lief vir Jackson," het sy gesê.

"Mense bly sê ek is 'n enkelma, maar ek is nie. Ek het twee seuns wat my help. Dis ongelooflik."

Volgens Theron is dit glad nie vreemd om Jackson in haar lewe te hê nie omdat sy so lank gewag het om 'n ma te word.

Sy het gesê die aannemingsproses het ongeveer twee jaar geneem.

– Bang Showbiz.