Charlie Sheen word oupa

2013-01-15 15:27

Los Angeles – Charlie Sheen gaan vir die eerste keer ‘n oupa word.

Die Anger Management-ster se oudste dogter, Cassandra (28), wie se ma Sheen se hoërskoolmeisie, Paula Profit is, is glo swanger met haar eersteling.

“Party van julle weet al seker…@charliesheen gaan ‘n oupa word…ja, ‘n OUPA! Sy pragtige dogter Cassandra gaan ‘n mamma wees,” het Denise Richards, Sheen se eks-vrou, op Twitter gesê.

Richards en Sheen was van 2002 tot 2006 getroud en het twee kinders, die agtjarige Sam en die sewejarige Lola.

Sheen, wat tans saam met die 24-jarige pornoster Georgia Jones bly, is berug vir sy stormagtige liefdeslewe en sy konstante manewales. Hy het vyf kinders by drie verskillende vroue.

– Volg Nuus24 op Twitter