Charlie Sheen woon saam met porno-ster

2013-01-09 12:58

Los Angeles – Charlie Sheen en sy nuwe meisie, 'n porno-ster, woon saam.

Die Anger Management-akteur en die 24-jarige Georgia Jones is al sedert Oktober ‘n paartjie en die brunet het nou by die 47-jarige ster se huis in Los Angeles ingetrek.

Volgens die skinderwebwerf TMZ is Charlie aangetrokke tot Georgia omdat sy net pornografiese tonele met ander meisies doen – anders as sy vorige meisie, Bree Olson.

Vriende van Charlie sê dit is die eerste keer wat hy so ernstig oor ‘n meisie is sedert Bree hom byna twee jaar gelede per SMS gelos het.

In Januarie 2011 het Bree, sowel as die model Naralie Kanly, by Charlie ingetrek. Dit was in die tyd wat hy baie dwelms gebruik het. Hy het na albei van hulle verwys as sy “godinne”.

– Volg Nuus24 op Twitter
 

- BangShowBiz