Charlie Sheen spandeer glo duisende op kokaïen

2012-11-02 11:35

Los Angeles – Die akteur Charlie Sheen het glo oor die afgelope agt maande daagliks tot $2 000 (sowat R17 000) op kokaïen spandeer.

Die Anger Management-ster was al vyf keer in 'n rehabilitasiesentrum.

"Die afgelope agt maande is daar daagliks tussen 7 g en 14 g kokaïen by Charlie se huis afgelewer en hy het daagliks tot $2 000 spandeer op dwelms. Sommige dae is daar tot 21 g kokaïen in een dag afgelaai," het 'n bron aan die skinderwebwerf RadarOnline gesê.

"Wanneer Charlie die dwelms kry, kook hy dit dadelik met baksoda in sy badkamer om crack te maak. Hy rook dit dan uit 'n selfgemaakte pyp.

"Hy sal dan net met niemand praat nie en net pornografie kyk."

Die voormalige Two And A Half Men-akteur, wat die pa is van vyf kinders, spandeer ook glo geld op prostitute.

– Lees meer hier

– Volg Nuus24 op Twitter