Charlie Sheen se eksvrou pleit skuldig

2012-03-20 13:00

Los Angeles – Die akteur Charlie Sheen se eksvrou, Brooke Mueller, het skuldig gepleit op aanklag dat kokaïen in haar besit gevind is.

Die realiteitstelevisiester, wat driejarige tweelingseuns Bob en Max saam met Sheen het, het Maandag in die hof in Aspen, Colorado verskyn nadat sy in Desember gearresteer is vir die besit van kokaïen en glo ook 'n vrou in 'n nagklub aangerand het.

Hoewel die klagtes van aanranding teen haar laat vaar is omdat daar nie voldoende bewyse is nie, het Brooke skuld op die aanklag beken, het RadarOnline.com berig.

Mueller, wat onlangs uit 'n rehabilitasiesentrum ontslaan is nadat sy 90 dae lank behandeling vir dwelmverslawing ontvang het, sal ingevolge haar pleitooreenkoms met haar buitepasiënt-program vir dwelmbehandeling moet voortgaan.

Indien sy alle voorwaardes van haar voorwaardelike vrylating nakom sal die aanklag oor 'n jaar laat vaar word.  

– Bang Showbiz.

– Volg Nuus24 op Twitter.