Charlie Sheen moet opdok ná egskeiding
2011-02-11 17:30
Los Angeles – Die bekende Two and a Half Men-akteur Charlie Sheen en Brooke Mueller het ‘n skikkingsooreenkoms in hul egskeidingsaak bereik.
Sheen, wat vir Mueller in November verlede jaar vir ‘n egskeiding gedagvaar het, het ingestem om maandeliks R400 000 onderhoudsgeld vir hul 22 maaande oue tweeling Bob en Max te betaal.
Mueller sal ook ‘n verdere R5,5 miljoen kry vir haar aandeel in hul familiehuis wat Sheen gaan hou.
Sheen sal ook gesamentlike toesig oor die tweeling kry.
Die skinderwebwerf TMZ berig volgens die skikkingsooreenkoms mag die onderhoudsgeld wat Sheen aan Bob en Max betaal nie minder wees as dit wat hy aan sy eksvrou Denise Richards gee vir hulle twee kinders Sam en Lola nie.
Sheen en Mueller is sedert Desember 2009 van mekaar vervreem ná ‘n voorval van huishoudelike geweld op Kersfeesdag.
Die 45-jarige Sheen ontvang tans rehabilitasie behandeling by sy huis.
- Vir die volledige storie besoek iol.
- Volg Nuus24 op Twitter.