Busbestuurder laat vaar saak teen Matthew Fox

2012-06-01 13:15

Los Angeles – Die vroulike busbestuurder wat Matthew Fox daarvan beskuldig het dat hy haar aangerand het, het haar saak teen die akteur laat vaar.

Heather Bormann het die voormalige Lost-ster daarvan beskuldig dat hy haar teen haar maag en bors geslaan het nadat hy probeer het om op die bus te klim.

Fox, wat glo onder die invloed van alkohol was, het verlede jaar beveel dat sy hom na sy hotel in Cleveland, Ohio moes neem.

Bormann het die saak teen Fox laat vaar en die akteur hoef nie enige skadevergoeding te betaal nie.

Haar prokureur, J. Norman Stark, het aan die skinderwebwerf TMZ gesê hy het Bormann ook die trekpas gegee omdat sy te moeilik was om te hanteer.

Fox, wat getroud is met Margherita Ronchi, by wie hy twee kinders het, het sy saak ook teen Bormann laat vaar.

– Bang Showbiz.

– Volg Nuus24 op Twitter.