Britney se eks uit hospitaal ontslaan
2012-01-25 18:58
Los Angeles – Britney Spears se eksman, Kevin Federline, is uit die hospitaal ontslaan.
Federline, 'n voormalige danser, is Maandag na die Mount Druitt-hospitaal gehaas nadat hy van borspyne gekla het terwyl hy besig was met die verfilming van die fiksheidsprogram Excess Baggage in Australië.
Dokters by die hospitaal het aanvanklik vermoed dat hy 'n hartstilstand ervaar het.
"Kevin is nou by die huis saam met sy familie en sal verdere toetse ondergaan. Daar word verwag dat hy teen Vrydag weer terug op die stel sal wees," het die produksiemaatskappy Freemantle Media in 'n verklaring gesê.
Die 33-jarige Federline is tans een van die deelmeners op Channel 9 se realiteitsprogram.
Hy het onlangs die bynaam "K-Fat" gekry oor sy gewig.
Federline, wat in 2004 met Spears getrou het en weer in Julie 2007 geskei is, het gesê hy het besluit om 'n deelnemer op Excess Baggage te word sodat hy fiks en gesond kan word.
– Bang Showbiz.
– Volg Nuus24 op Twitter.