Brangelina se seun met ouma herenig
2011-11-23 10:03
Los Angeles – Die akteurspaar Angelina Jolie en Brad Pitt se seun Pax is met sy biologiese ouma herenig.
Jolie en Pitt het gereël dat die agtjarige, wat in 2007 van ‘n kinderhuis naby Ho Chi Min-stad aangeneem is, tyd met sy ouma, Nhan Dung, deurbring.
Brangelina en hul kinders het onlangs na die eksklusiewe Six Senses-oord in Con Dao in die suidooste van Vietnam gereis.
‘n Bron het aan die tydskrif US Weekly gesê dit was ‘n een dag lange besoek en Dung het uitgesien om Pax te sien nadat hy vir soveel jare oorsee gewoon het.
Jolie, wat ook vyf ander kinders, Maddox (10), Zahara (6), Shiloh (5) en die driejarige tweeling, Knox en Vivienne, saam met Pitt grootmaak, het bekendgemaak hul kinders wil graag meer oor mekaar se kulture leer.
Jolie en Pitt het onlangs ook spesialis-onderwysers aangestel om seker te maak hul kinders vergeet nie hul moedertale nie.
– Bang Showbiz.
– Volg Nuus24 op Twitter.