Brangelina-kroos nou ook filmsterre
2012-10-24 11:54
Los Angeles – Drie van Angelina Jolie en Brad Pitt se ses kinders het rolle losgeslaan in hul ma se nuwe Disney-rolprent.
Die glanspaartjie se agtjarige seun, Pax, hul sewejarige dogter, Zahara, en hul vierjarige dogter, Vivienne, gaan saam met die 37-jarige Angelina in die fantasiefilm Maleficent te sien wees.
“Hulle het kleiner rolle,” het ‘n bron aan Us Weekly gesê.
Hul oudste dogter, Shiloh, wat al voorheen saam met haar pa in The Curious Case of Benjamin Button verskyn het, het egter nee gesê vir ‘n rol in die fliek.
“Shiloh was ook veronderstel om in die rolprent te wees, maar sy was verveeld en nie in ‘n goeie bui toe haar deel geskiet is nie, so sy is nie deel van die rolprent nie.”
– Volg Nuus24 op Twitter
