Bradley Cooper sexyste man op aarde
2011-11-17 10:29
Los Angeles – Bradley Cooper, die Hangover-ster, is deur People-tydskrif as die wêreld se sexyste man aangewys.
Die 36-jarige Cooper het sy verbasing oor die titel uitgespreek omdat hy glo nie dink dat hy altyd goed lyk nie.
Hy sê sy ma, Gloria, sal meer in die wolke wees as hy.
Cooper was voorheen in ‘n langtermynverhouding met die aktrise Renée Zellweger.
Ander bekendes wat People se toptien gemaak het sluit in die akteurs Liam Hemsworth, Idris Elba, Chris Evans, Justin Theroux en Ryan Gosling.
Cooper het die titel by verlede jaar se wenner, die akteur Ryan Reynolds, oorgeneem. Reynolds het nie vanjaar die toptien gemaak nie.
People sal op 18 November hul volledige lys met die 100 sexyste manne bekendmaak.
– Volg Nuus24 op Twitter.
- Reuters