Brad en Angie gaan glo in Mei afhaak

2013-01-30 10:40

Los Angeles – Brad Pitt en Angelina Jolie sal glo in Mei afhaak, het die Independent berig.

Die paartjie, wat ses kinders saam het, het glo aan vriende gesê om die laaste week van Mei oop te hou, wat gerugte laat ontstaan het dat die paartjie dalk gaan trou.

“Brad het diegene naaste aan hom gevra om seker te maak dat hulle nie planne het vir die week ná die Cannes-filmfees nie,” het ‘n bron aan die tydskrif Grazia gesê.

Die Cannes-filmfees eindig op 26 Mei.

“Brad saam met Angelina en die kinders in Cannes wees om sy nuwe rolprent, World War Z, te bemark. Hy het ook ‘n paar weke ná die filmfees oopgehou en dít het sy vriende net meer oortuig."

Die 49-jarige Brad en sy 37-jarige verloofde is tans besig om hul huis in die suide van Frankryk op te knap. Mediaberigte beweer dat die paartjie die herehuis sal gebruik vir hul troue en die onthaal.

“Alles dui op einde Mei of die begin van Junie,” het ‘n plaaslike bron gesê.

– Volg Nuus24 op Twitter