Brad Pitt se dogter 'luister nie' na hom
2011-12-14 21:49
Los Angeles – Die Moneyball-akteur Brad Pitt se dogter Shiloh luister nie na hom nie.
Volgens Pitt se lewensmaat, Angelina Jolie, is dit "snaaks" om te sien hoe hy probeer om die vyfjarige Shiloh te leer om op 'n vierwielmotorfiets te ry omdat sy meer geïntereseerd is om vinnig te ry as om die die motorfiets versigtig te hanteer.
"Dit is snaaks om te sien hoe Brad haar probeer leer om die vierwielmotorfiets te ry omdat sy nie wil luister nie. Sy wil nie hê haar pa moet agter haar sit nie. Sy wil nie oor die remme leer nie. Sy wil net ry! Dit is 'n kombinasie van die twee van ons," het Jolie gesê.
Jolie het ook bekendgemaak hul 10-jarige seun Maddox gee baie om vir haar en weet altyd as daar iets fout is.
Die paartjie se sesjarige dogter Zahara hou weer van perdry terwyl die driejarige tweeling, Knox en Vivienne verskillende persoonlikhede het.
– Kliek hier om die volledige storie te lees.
– Bang ShowBiz.