Bobby van Jaarsveld kry hoofrol in musiekblyspel
2011-10-18 11:15
Kaapstad – Die Afrikaanse sanger Bobby van Jaarsveld het bekendgemaak dat hy die hoofrol in die musiekblyspel Dawid losgeslaan het, wat teen 2013 in teaters te sien sal wees.
Die musiekblyspel, onder leiding van Johan Vorster en Arnold Coleske, gaan oor die werk en lewe van die bybelse Koning Dawid.
"As gevolg van die omvang van hierdie produksie, sal julle ongelukkig moet wag tot 2013 om Bobby in die rol van Dawid te sien. Dit gaan egter verseker die wag werd wees. Dawid, Die Musiekblyspel gaan al jou teater verwagtinge oortref," is op die sanger se Facebook-blad geskryf.
"Hierdie is vir my, tot op die datum, die grootste loopbaan-hoogtepunt van my lewe. Ons is nou op pad vir nog 'n sonar van Sion, 39 weke swanger, so amper 10 maande, dis lank. So blessed," het Van Jaarsveld geskryf.
– Volg Nuus24 op Twitter.