Bobaas-kok Ramsay hof toe gesleep oor geld
2011-07-27 15:11
Los Angeles – Die bekende sjef Gordon Ramsay moet in die hof verskyn nadat hy die oorsaak was dat ‘n geleentheidskoördineringsmaatskappy $1.8 miljoen (sowat R12 miljoen) verloor het.
Ramsay het verlede jaar ‘n liefdadigheidsgeleentheid in Nieu-Seeland gekanselleer weens familieprobleme. Hy het ook twee ander funksies in dié land gekanselleer.
Die organiseerders van die geleentheid, Duco Events, dagvaar Hell’s Kitchen vir die verlies van inkomste en ook vir skade wat die maatskappy se reputasie mag gelei het.
Altesaam 2 000 kaartjies was vir die geleentheid verkoop met die hoop dat geld ingesamel sou word om die mediese rekeninge van ‘n siek Nieu-Seelandse kind te betaal.
‘n Woordvoerder van Ramsay, wat verlede jaar met die dagvaardings bedien is oor beweerde onbetaalde rekeninge, het in die verlede gesê dat hy ‘n donasie aan die liefdadigheidsorganisasie sou maak.
Die saak sal volgende jaar in die hooggeregshof in Auckland, Nieu-Seeland aangehoor word.
– Contact Music.
– Volg Nuus24 op Twitter.