Blonde bom se kêrel los haar vóór verjaardag
2009-07-14 02:45
London – Jessica Simpson, die blonde bom wat ouens se knieë lam gemaak het in films soos Dukes of Hazard en Employee of the month, het haar 29ste verjaardagpartytjie gekanselleer nadat haar kêrel hul verhouding met haar verbreek het.
Simpson het Tony Romo, ‘n voetbalspeler vir die Dallas Cowboys, op vorige geleenthede haar “groot liefde” genoem, berig News24.com.
Sy het ook al genoem dat sy kinders saam met hom wil hê, het Daily Mail berig.
Maar hy het duidelik ander planne gehad, en Simpson die aand voor haar verjaardag gelos.
Die koerant berig Simpson is hartgebroke.