Blair, Parton en Tutu saam in TV-reeks
2009-11-06 21:28
Londen - Die voormalige Britse premier, Tony Blair en die country-sangeres Dolly Parton, gaan saam in ‘n televisiereeks verskyn wat die invloed van geloof op mense se lewens sal bespreek.
Blair sal gesels oor sy aanvaarding van die Katolieke geloof terwyl Parton gaan vertel hoe sy haar geloof en wulpsheid op die verhoog met mekaar balanseer.
Die Nobelpryswenner, Desmond Tutu sal ook in dié reeks, wat die rol van geloof in die lewens van bekendes ondersoek, verskyn.
Tutu wat lank reeds ‘n veldtog teen onreg in Suid-Afrika voer, het in sy onderhoud geskerts dat hy graag vir God sal wil vra, “Aan wie se kant is jy?”
Die reeks begin einde November en sal op die BBC oor ‘n tydperk van vier weke uitgesaai word.
- Sapa