Só lyk lys van Grammy-wenners
2013-02-11 07:51
Fotogalery - 2013 Grammy-toekennings
klik op klein foto bo om groter prentjie te sien
Los Angeles – Mumford & Sons se Babel het Sondagaand die Grammy-toekenning gewen vir album van die jaar.
Die Britse rockgroep het gesê hulle het glad nie verwag om te wen nie, "omdat Black Keys al heeldag skoonskip maak".
Dit was die groep se tweede toekenning. Mumford & Sons het ook die toekenning gewen vir die beste musiekvideo.
Black Keys se Dan Auerbach was die aand se topwenner, met vier toekennings.
Gotye, Skrillex, Black Keys, Jay-Z en Kanye West het elk drie Grammy-toekennings ingepalm, terwyl Frank Ocean, Chick Corea, Esperanza Spalding en Matt Redman elk twee toekennings gewen is.
Die 55ste Grammy-toekennings is Sondag by die Staples Center in Los Angeles gehou.
Hier is 'n lys van Grammy-wenners in die topkategorieë:
- Album van die jaar: Babel, Mumford & Sons.
- Opname van die jaar: "Somebody That I Used to Know," Gotye ft. Kimbra.
- Liedjie van die jaar: "We Are Young," fun.
- Nuwe kunstenaar: fun.
- Pop-solovertoning: "Set Fire to the Rain (Live)," Adele.
- Popalbum: Stronger, Kelly Clarkson.
- Rockvertoning: "Lonely Boy," The Black Keys.
- Kontemporêre album: Channel Orange, Frank Ocean.
- Rap/sang vertoning: "No Church in the Wild," Jay-Z, Kanye West ft. Frank Ocean, The-Dream.
- Country-vertoning: "Blown Away," Carrie Underwood.
- Country-album: Uncaged, Zac Brown Band.
– Volg Nuus24 op Twitter
- Sapa - AP
