Bieber nie vervolg oor onderonsie

2012-11-22 07:54

Los Angeles – Aanklaers het besluit om nie enige klagte teen Justin Bieber te lê nadat ondersoekbeamptes geen bewysse gevind het dat die popster ‘n fotograaf geskop en geslaan het tydens ‘n onderonsie in Mei nie.

Ondersoekbeamptes het geen sigbare beserings, foto’s of ander beeldmateriaal gekry om die fotograaf se aantygings te staaf nie.

Bieber (18) het ‘n rolprentteater saam met sy meisie Selena Gomez op 27 Mei verlaat toe die voorval in ‘n parkeerarea plaasgevind het.

Amptenare het met verskeie ooggetuies onderhoude gevoer, maar niemand het gesien dat Bieber die man geskop of geslaan het nie.

“Al die foto’s en ander beeldmateriaal wat tydens die voorval geneem is, is ondersoek. Daar is geen bewysse van ‘n fisieke konfrontasie nie,” het ‘n amptenaar gesê.

– Volg Nuus24 op Twitter

- Sapa - AP