Bieber-kaartjies breek harte, rekords in SA

2012-12-12 14:03

Kaapstad – Meer as 50 000 kaartjies vir die Kanadese sanger Justin Bieber se vertoning in Mei 2013 is Dinsdag in minder as 'n uur verkoop, berig iol.

Volgens die berig het Computicket se opgradeerde stelsel aanhangers in staat gestel om verkooprekords te laat spat nadat 23 000 kaartjies in Kaapstad en 6 000 in Johannesburg binne 30 minute verkoop is.

Die nuwe stelsel kan elke minuut 6 000 aanlyn-transaksies verwerk.

Weens 'n hoër aanvraag as wat aanvanklik verwag is, het Big Concerts 1 000 ekstra kaartjies vir die vertoning in Kaapstad beskikbaar gestel en meer as 6 000 ekstra kaartjies is beskikbaar gestel vir aanhangers in Johannesburg.

Bieber het op Twitter ook die goeie nuus gedeel.



Baie aanhangers is egter hartgebroke gelaat toe hulle nie 'n Golden Circle-kaartjie kon kry nie, omdat dié kaartjies vir albei vertonings  binne minute uitverkoop is.

Bieber sal op 8 Mei 2013 by die Kaapstad-stadion optree en vier dae later by die ENB-stadion in Johannesburg.

– Lees meer hier

– Volg Nuus24 op Twitter