Beyoncé wil beslis nog kinders hê
2013-02-12 17:57
Los Angeles – Die 31-jarige Beyoncé, wat bietjie meer as ‘n jaar gelede haar eersteling, Blue Ivy Carter, saam met Jay-Z in die wêreld verwelkom het, het aan Vogue gesê dat sy definitief haar gesin wil uitbrei.
“Toe ek jonger was, was daar oomblikke wat ek gesê het dat ek definitief nie kinders wil hê nie,” het Beyoncé erken.
“En dan was daar oomblikke dat ek vier wou hê. Nou wil ek definitief nog hê, maar ek weet nog nie wanneer nie.”
RadarOnline berig dat Beyoncé ook meer gelukkig is met haar liggaam na swangerskap.
“Op hierdie oomblik, na ek geboorte gegee het, verstaan ek nou eintlik eers die krag van my liggaam. Ek voel net dat my liggaam iets heeltemal anders beteken.”
“Ek voel baie meer selfversekerd daaroor. Ek voel meer soos ‘n vrou. Meer vroulik, meer sensueel. En geen skaamte nie.”
– Volg Nuus24 op Twitter
