Beyoncé omgekrap oor volkslied-skandaal

2013-01-25 10:17

Los Angeles – Die sangeres Beyoncé Knowles is diep teleurgesteld oor die reaksie op haar weergawe van die volkslied by die inhuldiging van pres. Barack Obama.

Die superster, wat glo besluit het om 'n weergawe van die volkslied te gebruik wat vooraf opgeneem is, voel sy het niks verkeerd gedoen nie en dat die omstredenheid 'n belangrike geleentheid geskaad het.

Volgens 'n bron voel die sangeres 'n "tegniese ding, wat almal doen, die skoonheid van die oomblik weggeneem het".

Die bron het bevestig dat Beyoncé 'n weergawe gebruik het wat vooraf opgeneem is, maar het verduidelik dat dit normaal is vir 'n buitelug-vertoning. Sy het ook aangedring om sekere dele van die volkslied self te sing.

"Sy het nie gedink daar is enigiets fout daarmee nie. Pavarotti het dit gedoen. Dit was baie koud en as sy een noot opgemors het, sou dít die storie gewees het.

– Lees meer hier

– Volg Nuus24 op Twitter