Beyoncé as People se mooiste vrou aangewys

2012-04-25 19:02

New York – People magazine het die 30-jarige popsensasie Beyoncé as die wêreld se mooiste vrou vir 2012 aangewys.

Dié aankondiging is Woensdag gemaak.

Beyoncé het aan die tydskrif gesê: "Ek voel mooier as wat ek ooit gevoel het omdat ek geboorte geskenk het. Ek het nog nooit so verbonde gevoel nie, nog nooit gevoel ek het so 'n doel op die aarde nie."

Beyoncé, wat met die kletsrymer Jay-Z getroud is, het in Januarie aan hul dogter, Blue Ivy Carter, geboorte geskenk.

– Volg Nuus24 op Twitter.

- Sapa - AP