Bernal: Nuwe rolprent gaan skok
2009-11-27 20:39
New York – Gael Garcia Bernal noem sy nuutste film “uitlokkend.”
Die Mexikaanse akteur werk saam met Lukas Moodysson, ‘n rolprentmaker van Swede wat se vorige films geforseerde prostitusie en amateur pornografie ingesluit het.
Garcia Bernal sê hy het geweet waarvoor hy homself inlaat toe hy besluit het om saam met Moodysson te werk.
“Ek het defnitief geweet dit gaan ‘n film vol konfrontasie wees; dat dit op ‘n sekere manier uitlokkend gaan wees,” het Garcia Bernal tydens ‘n onlangse foononderhoud uit Cochabamba, Bolivia, gesê.
Mammoth, wat Vrydag in Amerika begin draai het, gaan oor ‘n suksesvolle egpaar in New York: Leo (Garcia Bernall), skepper van ‘n groeiende internet tuiste, wat vasgekeer voel in die stad se gejaag, en Ellen (Michelle Williams – gewese verloofde aan Heath Ledger), ‘n selfopofferende chirurg wat lang ure in die hospitaal spandeer om lewens te red.
Hulle agt-jarige dogter, Jackie (Sophie Nyweide), spandeer die meeste van haar tyd met hulle Filippynse kinderoppasster, Gloria (Marife Necesito), wat Ellen laat twyfel oor haar prioriteite in die lewe.
Terselfdetyd sukkel Gloria se familie in die Filippyne om sonder haar te oorleef.
Tydens ‘n sakebesoek aan Thailand veroorsaak Leo onwetend ‘n reeks gebeure wat dramatiese gevolge vir almal inhou.
“Ek het regtig van die film gehou nádat ek die teks gelees het,” het Garcia Bernal gesê.
Hy het bygevoeg dat die idée om saam met Moodysson en Williams te werk, ‘n groot trekpleister was.
- AP