Bekruiper gestraf ná hy jong aktrise teiken

2013-01-23 14:07

Los Angeles – ‘n Man is deur 'n hof in Los Angeles beveel om vir 10 jaar weg te bly van die Black Swan-aktrise, Mila Kunis.

Dit volg ná die 27-jarige oortreder haar verskeie kere lastig geval het.

Jane Robison, ‘n woordvoerder, het gesê Stuart Dunn het nolo contendere gepleit (die verdagte erken die feite in die saak, maar erken nie skuld nie).

Dunn moet ook ses maande se rehabilitasie ondergaan.

Hy is glo al herhaaldelik in hegtenis geneem terwyl hy Kunis probeer nader.

Dunn is in Februarie in hegtenis geneem ná hy by Kunis se woonstel ingebreek het; hy is weer in Mei in hegtenis geneem na hy drie dae buite haar gimnasium gewag het.

 – Volg Nuus24 op Twitter

- Sapa - AP