Bekendes werf miljoene vir Haïti
2010-01-26 03:12
Los Angels - Organiseerders van Hope for Haiti Now, ‘n telefoon-maraton om geld vir dié land in te samel, het meer as $57 miljoen (sowat R 431 miljoen) vir die slagoffers van die aardbewing in Haïti bymekaar gemaak.
Die maraton is Vrydagaand gehou. Van die mees bekende sterre in die wêreld het deelgeneem en dit is regstreeks van New York, Los Angels, Londen en Haïti uitgesaai. George Clooney, Bruce Springsteen, Jennifer Hudson, Madonna en Julia Roberts was net 'n paar van die bekendes wat betrokke was.
Dit is op alle groot Amerikaanse televisiestasies uitgesaai asook op die gewilde video-webblad You Tube, en die musiekkanaal MTV.
Lees meer by news.bbc.co.uk.