Bekende vioolspeler wil Olimpiese Spele toe

2013-01-22 13:59

Londen – Die bekroonde vioolspeler Vanessa-Mae het besluit om haar musiek 'n jaar lank opsy te skuif en te fokus op ski, haar ander passie in die lewe.

Die 34-jarige wil Thailand in Februarie 2014 by die Olimpiese Winterspele in Sochi, Rusland verteenwoordig.

Sy gaan glo probeer om vanjaar in minstens vyf internasionale byeenkomste deel te neem sodat sy kan kwalifiseer vir die Winterspele.

“Mense is altyd verbaas as hulle my sien ski,” het Vanessa-Mae aan Reuters gesê.

“Dit is egter sedert ek 14 is my droom om in die Winterspele te ski. Dit is iets wat ek vasbeslote is om te doen.”

Die vioolspeler is ‘n Britse burger, maar het ook ‘n Thaise paspoort.

Sy is in Singapoer gebore met ‘n Chinese ma en ‘n Thaise pa, maar het in Engeland grootgeword ná haar ma met ‘n Brit getrou het.

Vanessa-Mae sal die tweede deelnemer ooit van Thailand word om by die Winterspele te verskyn indien sy kwalifiseer. Prawat Nagvajara het Thailand in 2002 en 2006 by die Winterspele in ski verteenwoordig.

– Volg Nuus24 op Twitter
 

- Reuters