Bekende akteur sterf
2010-07-01 12:45
Kaapstad – Suid-Afrika se vermaaklikheidsindustrie is in rou oor die nuus dat die veteraan-akteur Gordon Mulholland Woensdagaand gesterf het.
Die 89-jarige se loopbaan het wydgestrek, van oor die verhoog, televisie, radio, komedie, sepies tot drama.
Van se gewildste rolle was op die televisie-reekse Villagers en Westgate. Hy was ook jare gelede op Springbok Radio en meer onlangs op SABC-3 se Isidingo te sien.
Volgens die akteur se skoondogter Ginny Mulholland, het die legende Woensdagaand in sy slaap gesterf.
“Dit was baie skielik. Ons het hom teruggebring van ‘n versorgingshuis wat na hom omgesien het. Hy was baie rustig en vreedsaam. Hy was baie gelukkig gisteraand. Ons dink hy het homself laat gaan omdat hy tuis was. Dit was waarvoor hy gewag het,” het sy gesê.
Lees meer by Tonight
Volg Nuus24 op Twitter