Befaamde blues-sangeres sterf
2012-01-20 19:14
Los Angeles – Die Amerikaanse blues-sangeres Etta James het in die ouderdom van 73 gesterf.
James, wat ook in die genres van jazz, pop en R&B gesing het, het ses Grammy-toekennings in haar loopbaan, wat deur dwelmverslawing geteister is, gewen.
Lupe De Leon, die sangsensasie se bestuurder, het in ‘n verklaring gesê dat James Vrydag aan leukemie in ‘n hospitaal in Riverside, Kalifornië, gesterf het.
“Ek het vir meer as 30 jaar met Etta gewerk. Sy was my vriendin en ek sal altyd na haar verlang,” het De Leon gesê.
Die sangeres was veral bekend vir haar 1960-treffer At Last.
Volg Nuus24 op Twitter
- Sapa - AFP