Bee Gees tree op na 6 jaar
2009-09-08 11:40
Sydney -Die twee oorlewende broers van die Bee Gees maak gereed om ses jaar ná die dood van hul broer en die derde Bee Gee, Maurice Gibb, weer op te tree.
Robin Gibb het aan BBC Radio gesê hy was by sy ouer broer, Barry, in Miami en hulle is gereed om weer saam op te tree en beplan 'n reeks lewendige optredes.
Hy het gesê hy en Barry het die "warboel emosies verwerk" na hul broer se dood in 2003.
Maurice Gibb is skielik in die ouderdom van 53 dood ná 'n operasie aan sy ingewande.
Sy broers het toe gesê die Bee Gees gaan na 45 jaar saam nie meer optree nie.
Robin Gibb, Maurice se tweelingbroer, het gesê sy broer het menigte instrumente op hul CD's gespeel.
"Dit is 'n emosionele saal wanneer jy iemand so na aan jou verloor," het hy gesê.
'n Vierde broer wat ook 'n sanger was, maar nie deel van dié groep nie, is in 1988 in die ouderdom van 30 aan 'n hartkwaal dood.
Die twee oorlewende broers, wat in Brittanje gebore is, maar na Australië verhuis het, het sedert Maurice se dood net vir liefdadigheid saam opgetree.
Die Bee Gees was een van die grootste groepe in die 70's. Hulle het nege Grammy-toekennings en 'n rits ander toekennings gewen.
Van die groep se treffers sluit in "Night Fever," "Tragedy," "How Deep is Your Love" en "You Win Again".
– Reuters