Barbra sing eerste keer in 36 jaar by Oscars
2013-01-31 11:49
Los Angeles – Die wêreldbekende sangeres Barbra Streisand sal in Februarie vir die eerste keer in 36 jaar weer by die Oscars optree, het die toekenningsgeleentheid se organiseerders Woensdag aangekondig.
Streisand sal die 24ste Februarie aansluit by kunstenaars soos Adele, Jennifer Hudson, Norah Jones, Hugh Jackman en Anne Hathaway, wat ook by dié geleentheid vertonings sal lewer.
Die vervaardigers van die Oscars, Neil Meron en Craig Zadan, het bekend gemaak dat hulle vanajar hard gaan werk om meer kykers te lok.
“Hoe anders sal die uitsending volledig wees op 'n aand waarop die kuns van musiek en rolprente gevier word, as ons nie vir Barbra Streisand gehad het nie?" het die vervaardigers in ‘n verklaring gesê.
“Ons is geëerd dat sy ingestem het om ‘n baie spesiale vertoning by vanjaar se Oscars te lewer – die eerste keer wat sy op die program sal optree in 36 jaar.”
Streisand, wat die Oscar vir Beste Aktrise in 1968 vir Hello Dolly gewen het, het laas in 1977 by die Oscars opgetree toe sy die beeldjie vir haar liedjie Evergreen gewen het.
– Volg Nuus24 op Twitter
- Sapa-DPA
