Baba-boep ontspoor nie Jessica se trouplanne

2012-11-30 15:16

Los Angeles – Die sangeres-aktrise Jessica Simpson, wat swanger is met haar tweede kind, het gesê sy wil trou voor dié baba gebore word.

"Jessica wou voor Kersfees trou en het 'n datum in Desember in gedagte gehad," het 'n bron gesê.

Die bron het verder gesê haar planne is ontspoor nadat haar pa onthul het hy is gay en toe sy van haar swangerskap uitgevind het.

"Sy wil egter steeds binnekort voor die kansel staan en oorweeg dit ernstig om met Eric te trou voor die baba gebore word," het die bron verder gesê.

"Jessica is nie bekommerd dat haar boep in die troufoto's gaan wys nie, en voel sy het die troue al lank genoeg uitgestel."

Volgens die bron sal Simpson dalk in Februarie of Maart volgende jaar trou.

Simpson en haar verloofde, Eric Johnson, het 'n sewe maande oue babadogter.

– Lees meer hier

– Volg Nuus24 op Twitter